Plantun de Prouvènço

Pèr coumpara dos planto d'encò nostre

Leontodon hirtus & Anemone palmata

Moulin-de-prat(-agarrussi)

Leontodon hirtus

Asteraceae Compositae

Autre noum : Mounge.

Nom en français : Liondent hérissé.

Descripcioun :
Aquéu moulin-de-prat trachis dins li tepiero umido à bagnado en ivèr. Fai de coulounìo ço qu'es un bon mouien pèr lou destria. Si fueio soun longo de 2 à 8 cm e proun descoupado (fotò). Se recounèis majamen emé si péu que, se sèmblon simple, à la forto lùpi (X 30), soun bifido au bout (fotò). Ansin i'a pas pèr s'engana. Coumpara pamens emé lis àutri moulin-de-prat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadis emai siegue tant agarrussi.

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) enflourejado : 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 1700 m
Aparado : Noun
Jun à óutobre

Liò : Tepiero umido - Marle - Argielo
Estànci : Subremediterran à Mountagnard
Couroulougi : Estenoumediterranenco-Nord-Ouèst
Ref. sc. : Leontodon hirtus L., 1759

Anemouno(-telado)

Anemone palmata

Ranunculaceae

Nom en français : Anémone palmée.

Descripcioun :
L'anemouno(-telado) trachis dins li garrigo e li relarg sablous de basso Prouvènço e de Prouvènço séusouso. Li flour sèmblon un pau li de l'auriheto, Ficaria verna, pamens li fueio soun mai redouno e telado, e subretout roujo dessouto. Es uno planto di proun raro qu'es aparado, marcado sus listo roujo, categourìo VU, valènt à dire vulnerablo.

Usanço :
Coume tóuti lis anemouno, es uno planto empouisounanto.